പൂയപ്പള്ളി : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിലെ പ്രതിയായ അമ്പലംകുന്ന്, കൊല്ലംവിള, പാറക്കെട്ടിൽ മുകളുവിള വീട്ടിൽ അയ്യപ്പൻ മകൻ ഭരതൻ (49) പൂയപ്പള്ളി പോലീസിന്റെ പിടിയിലായി. 14 വയസുള്ള പെൺകുട്ടി അ‍ഞ്ചാം ക്ലാസിൽ പഠിച്ചിരുന്ന സമയത്ത് പെൺകുട്ടിയുടെ അയൽവാസിയും ബന്ധുവുമായ പ്രതി പീഡനത്തിനിരയാക്കുകയായിരുന്നു. പെൺകുട്ടിയും കുടുംബവും മുൻപ് പ്രതിയുടെ വീടിന് സമീപം വാടകക്ക് താമസിച്ചിരുന്ന കാലയളവിലാണ് പീഡനം നടന്നത്. പൂയപ്പള്ളി പോലീസ് ഇൻസ്പെക്ടർ വിനോദ് ചന്ദ്രന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.
