സംസ്ഥാനത്ത് കോവിഡ് ബാധിച്ചു 3 മരണം കൂടി. മലപ്പുറം കടന്നമണ്ണ സ്വദേശി മാധവിയുടെ മരണമാണ് അവസാനം കോവിഡ് സ്ഥിരീകരിച്ചത്. മഞ്ചേരി മെഡിക്കല്‍ കോളേജ് ആശുപത്രിയിലായിരുന്നു മരണം.
ആലപ്പുഴ കൃഷ്ണപുരം സ്വദേശി മോഹനന്, പുന്നപ്ര തെക്ക് സ്വദേശി അഷ്റഫ് എന്നിവരും ഇന്ന് മരിച്ചു. നെഞ്ച് വേദനയും ശ്വാസമുട്ടലുമായി കായംകുളം താലൂക്ക് ആശുപത്രിയില്‍ പ്രവേശിപ്പിച്ച മോഹനന് മരണശേഷമുള്ള സ്രവ പരിശോധനയിലാണ് കോവിഡ് സ്ഥിരീകരിച്ചത്. വൃക്കരോഗത്തിന് വണ്ടാനം മെഡിക്കല്‍ ചികിത്സയിലിരിക്കെ വെള്ളിയാഴ്ചയാണ് അഷ്റഫിന് കോവിഡ് സ്ഥിരീകരിച്ചത്.