തിരുവനന്തപുരം : തിരുവനന്തപുരം ജില്ലയില്‍ സ്ഥിതി അതീഗ ഗുരുതരമാകുന്നു. സമ്പർക്ക രോഗികളുടെ എണ്ണം വർദ്ദിക്കുന്നത് സാമൂഹ്യ വ്യാപനം മൂലമാണ് . തിരുവനന്തപുരം ജില്ലയില്‍ ഇന്ന് രോഗം സഥിരീകരിച്ച 246 പേരില്‍ 237 പേര്‍ക്കും സമ്ബര്‍ക്കത്തിലൂടെയാണ് രോഗ ബാധ. പൂന്തുറ, പുല്ലുവിള പ്രദേശങ്ങളില്‍ സാമൂഹ്യ വ്യാപനം സംഭവിച്ചതായാണ് വിലയിരുത്തുന്നത്. ജില്ലയിലെ തീരമേഖലകളിലാണ് രോഗം വന്‍തോതില്‍ വ്യാപിക്കുന്നത്. ഈ സാഹചര്യത്തില്‍ ജില്ലയില്‍ നിയന്ത്രണങ്ങള്‍ കരശനമാക്കുമെന്ന് മുഖ്യമന്ത്രി വ്യക്തമാക്കി.
തിരുവനന്തപുരം ജില്ലയിലെ കരിങ്കുളം പഞ്ചായത്തിലെ പുല്ലുവിളയില്‍ 97 പരിശോധിച്ചതില്‍ 51 പേര്‍ പോസിറ്റീവായി. പൂന്തുറ ആയുഷ് കേന്ദ്രത്തില്‍ 50 പേര്‍ക്ക് നടത്തിയ പരിശോധനയില്‍ 26 എണ്ണം പോസിറ്റീവാണ്. പുതുക്കുറിശ്ശിയില്‍ 75ല്‍ 20 പേര്‍ക്കും അഞ്ചുതെങ്ങില്‍ 83 സാംപിളുകള്‍ പരിശോധിച്ചതില്‍ 15 പേര്‍ക്കും രോഗം സ്ഥിരീകരിച്ചു.