കൊട്ടാരക്കര : മരത്തിൽ നിന്ന് വീണ് യുവാവ് മരിച്ചു.
ആനക്കോട്ടൂർ സരസ്വതി വിലാസത്തിൽ സന്തോഷ് (34 ) ആണ് മാവിൽ നിന്നും വീണ് മരിച്ചു. ഇന്നലെ രാവിലെ 8 മണിയോടെ വീടിനു സമീപത്തെ പുരയിടത്തിലെ മാവിൽ നിന്നും മാങ്ങ പറിച്ചതിന് ശേഷം ഇറങ്ങുന്നതിനിടയിൽ കാൽ വഴുതി മറ്റൊരു ചില്ലയിൽ വന്നടിച്ചു താഴേക്ക് വീഴുകയായിരുന്നു. യുവാവിനെ ഉടൻ തന്നെ കൊട്ടാരക്കര താലൂക്ക് ആശുപത്രിയിൽ എത്തിച്ച് പ്രാഥമിക ചികിത്സ നൽകിയ ശേഷം അവിടെ നിന്നും കൊട്ടാരക്കരയിലുള്ള സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. മേശിരിപ്പണിക്കാരനായിരുന്നു മരിച്ച സന്തോഷ്. സരസ്വതി ആണ് മാതാവ്. മനു ഭാര്യയും സമന്യ സന്തോഷ്, സാം സന്തോഷ് എന്നിവർ മക്കളുമാണ്.
