തിരുവനന്തപുരം : പാമ്പു പിടുത്തക്കാര്‍ക്ക് ലൈസന്‍സ് ഏര്‍പ്പെടുത്താന്‍ സംസ്ഥാന സര്‍ക്കാര്‍ തീരുമാനം. ഇതുസംബന്ധിച്ച ഉത്തരവ് ഉടന്‍ പുറത്തിറക്കും. ലൈസന്‍സില്ലാതെ പാമ്പുപിടിച്ചാല്‍ മൂന്ന് വര്‍ഷം വരെ ശിക്ഷ കിട്ടുന്ന തരത്തില്‍ നിയമം പരിഷ്‌ക്കരിക്കാനാണ് സര്‍ക്കാര്‍ ആലോചിക്കുന്നത്.
അശാസ്ത്രീയമായി പാമ്പ് പിടിച്ച്‌ അപകടത്തില്‍പെടുന്നവരുടെ എണ്ണം വര്‍ധിക്കുന്ന സാഹചര്യത്തെ തുടര്‍ന്നാണ് വനം വകുപ്പിന്റെ നടപടി. കഴിഞ്ഞ ദിവസം നാവായിക്കുളത്ത് പാമ്ബു പിടുത്തക്കാരനായ സക്കീര്‍ ഹുസൈന്‍ പാമ്പു പിടുത്തത്തിനിടെ മൂർഖന്റെ കടിയേറ്റു മരിച്ചിരുന്നു.