വയനാട് :സംസ്ഥാനത്തേക്കുള്ള യാത്രാപാസില്‍ കൃത്രിമം കാട്ടി കടക്കാന്‍ ശ്രമിച്ചയാള്‍ പിടിയില്‍. കണ്ണൂര്‍ തോട്ടട സ്വദേശി ബിനോയി(30) ആണ് പിടിയിലായത്. ഇന്ന് പതിനൊന്ന് മണിയോടെയാണ് ഇയാള്‍ മൈസൂരില്‍ നിന്നും അതിര്‍ത്തി കടന്ന് മുത്തങ്ങ ബോര്‍ഡ് ഫെസിലിറ്റേഷന്‍ സെന്‍ററില്‍ എത്തിയത്. ആര്യംകാവ് ചെക്ക്പോസ്റ്റ് വഴി വരാനുള്ള പാസായിരുന്നു ഇയാള്‍ക്ക് നല്‍കിയത്. ഇത് തിരുത്തി മുത്തങ്ങ വഴിയാക്കുകയായിരുന്നു. യാത്രാപാസ് കമ്പ്യൂട്ടറിൽ എന്‍റര്‍ ചെയ്തപ്പോളാണ് ഇതുവ്യക്തമായത്. തുടര്‍ന്ന് ഇയാള്‍ക്കെതിരെ കേസെടുത്തെങ്കിലും ജാമ്യത്തില്‍ വിട്ടയച്ചു. ഈ മാസം പതിനൊന്നിനും ഇത്തരത്തില്‍ പാസില്‍ കൃത്രിമം നടത്തി എത്തിയ വിദ്യാര്‍ത്ഥിയെ പിടികൂടിയിരുന്നു.
