കൊട്ടാരക്കര: സിംഗപ്പൂരിൽ പഠനത്തോടൊപ്പം ജോലിയും വാഗ്ദാനം ചെയ്തു കൊട്ടാരക്കര സ്വദേശികളായ സുബിൻ, എബിൻ എന്നിവരിൽ നിന്നും 9 ലക്ഷത്തോളം രൂപ തട്ടിയെടുത്ത കേസിലെ പ്രതിയായ വെട്ടിക്കവല പാലമുക്ക് മണ്ണിലാഴികത്തു വീട്ടിൽ ഷിബു വർഗീസ്(45) കൊട്ടാരക്കര പോലീസിന്റെ പിടിയിൽ. ഇദ്ദേഹം മുമ്പും കൊട്ടാരക്കര സ്റ്റേഷനിൽ സമാനസ്വഭാവമുള്ള കേസുകളിൽ പ്രതിയാണ്. മറ്റു പല സ്റ്റേഷനുകളിലും കേസുകളുള്ളതായി പോലീസിന് സൂചന ലഭിച്ചു . തുക കൈമാറി മാസങ്ങൾ കഴിഞ്ഞിട്ടും ജോലി ലഭികാത്തിരിക്കുകയും പ്രതിയെ ബന്ധപ്പെടാൻ കഴിയാതിരിക്കുകയും ചെയ്തതിനെ തുടർന്നാണ് പണം നൽകിയവർ പോലീസിൽ പരാതിപ്പെട്ടത് .
ഇതിനെ തുടർന്ന് ഒളിവിൽ പോയ പ്രതിയെ കൊല്ലം റൂറൽ ജില്ലാ പോലീസ് മേധാവി ഹരിശങ്കർ ഐ പി എസിന് ലഭിച്ച രഹസ്യ വിവരത്തെ തുടർന്ന് കൊട്ടാരക്കര ഡി വൈ എസ് പി യുടെ നിർദ്ദേശപ്രകാരം കൊട്ടാരക്കര ഇൻസ്‌പെക്ടർ ശിവപ്രകാശ്,എസ് ഐ സാബുജി മാസ്, എസ് സി പി ഒ അജിത് കുമാർ എന്നിവരടങ്ങുന്ന സംഘം കോയമ്പത്തൂരിൽ നിന്നാണ് പ്രതിയെ പിടി കൂടിയത്.
