ആലപ്പുഴ : കന്യാസ്‌ത്രീയെ പീഡിപ്പിച്ച കേസില്‍ കുറ്റാരോപിതനായ ബിഷപ്പ് ഫ്രാങ്കോയ്ക്കെതിരെ മൊഴി നല്‍കിയ വൈദികന്‍ ജലന്ധറില്‍ ദുരൂഹ സാഹചര്യത്തില്‍ മരിച്ചു. ചേര്‍ത്തല നെടുമ്ബ്രക്കാട് സ്വദേശി ഫാ. കുര്യാക്കോസ് കാട്ടുതറയാണ് മരിച്ചത്. കന്യാസ്‌ത്രീ പീഡനക്കേസില്‍ മുഖ്യസാക്ഷി കൂടിയായ ഇദ്ദേഹം ബിഷപ്പിനെതിരെ 164 പ്രകാരം രഹസ്യമൊഴി നല്‍കിയിരുന്നു. അടച്ചിട്ട മുറിയിലാണ്‌ വൈദികൻ്റെ മൃതദേഹം കണ്ടെത്തിയത്‌. മരണത്തില്‍ ദുരൂഹതയുണ്ടെന്നും കൊലപാതകമാണെന്ന്‌ സംശയിക്കുന്നതായും ഫാ. കുര്യാക്കോസ് കാട്ടുതറയുടെ ബന്ധുക്കള്‍ പറഞ്ഞു. കൊലപാതകമെന്ന് ആരോപിച്ച്‌ സഹോദരന്‍ ജോസ് ആലപ്പുഴ ജില്ലാ പൊലീസ് മേധാവിക്ക് പരാതി നല്‍കി. തങ്ങള്‍ ജലന്ധറില്‍ എത്തിയ ശേഷമേ പോസ്റ്റ്മോര്‍ട്ടം നടപടി ഉള്‍പ്പെടെ സ്വീകരിക്കാവൂ എന്നതാണ് ബന്ധുക്കളുടെ ആവശ്യം.കഴിഞ്ഞ മെയില്‍ വൈദികനെ സഭ സ്ഥലം മാറ്റിയിരുന്നു.
