കൊട്ടാരക്കര: എസ്.കെ.വി.വി.എച്ച്.എസ്.എസിലെ 2009 ബാച്ചിലെ 10 C ഡിവിഷനിലെ വിദ്യാർത്ഥികളുടെ കൂട്ടായ്മയായ ‘തണൽ മരം’ സ്കൂളിലെ നിർദ്ധനരായ വിദ്യാർത്ഥികൾക്ക് പഠനോപകരണങ്ങളും യൂണിഫോമും വിതരണം ചെയ്തു. പി.ടി.എ പ്രസിഡൻ്റ് ജി. ലിനുകുമാർ അദ്ധ്യക്ഷത വഹിച്ച ചടങ്ങ് വാർഡ് മെമ്പർ തോമസ് പി മാത്യു ഉദ്ഘാടനം ചെയ്തു. പൂർവ്വ വിദ്യാർത്ഥി പ്രതിനിധികൾ, ഹെഡ് മാസ്റ്റർ എം. ബി. മുരളീധരൻപിള്ള, സീനിയർ അസിസ്റ്റൻ്റ് പി ആർ. ഗോപകുമാർ എന്നിവർ ആശംസകൾ നേർന്നു. സ്റ്റാഫ് പ്രതിനിധി സെനീഷ് കെ നന്ദി പറഞ്ഞു.
