ന്യൂഡല്‍ഹി: ഇന്ത്യന്‍ സ്പേസ് റിസര്‍ച്ച്‌ ഓര്‍ഗനേസേഷ (ഐഎസ്‌ആര്‍ഒ) യുടെ പുതിയ തലവനായി പ്രശസ്ത ശാസ്ത്രജ്ഞന്‍ കെ. ശിവനെ നിയമിച്ചു. എ.എസ് കിരണ്‍ കുമാറിന് പകരമാണ് തമിഴ്നാട് നാഗര്‍കോവില്‍ സ്വദേശിയായ കെ.ശിവന്‍ എത്തുക.
മൂന്നു വര്‍ഷത്തേക്കാണ് ശിവന്‍റെ നിയമനം. മദ്രാസ് എെഎെടിയിൽ നിന്ന് എയ്റോനോട്ടിക്കന്‍ എന്‍ജിനിയറിങില്‍ ബിരുദം നേടിയ ആളാണ് കെ.ശിവന്‍. ക്രയോജനിക് എഞ്ചിനുകള്‍ വികസിപ്പിക്കുന്നതില്‍ അഗ്രഗണ്യനായ ഇദ്ദേഹം നിലവില്‍ തിരുവനന്തപുരം വിക്രം സാരാഭായ് ബഹിരാകാശ ഗവേഷണ കേന്ദ്രത്തിന്‍റെ ഡയറക്ടറാണ്.