കൊച്ചി: ഇത്തവണയും പതിവ് തെറ്റിച്ചില്ല മുന്‍ വര്‍ഷങ്ങളിലെ റെക്കോര്‍ഡുകള്‍ തകര്‍ത്ത് ക്രിസ്തുമസിന് കേരളത്തില്‍ റെക്കോര്‍ഡ് മദ്യ വില്‍പ്പന. കഴിഞ്ഞ വര്‍ഷത്തെക്കാള്‍ 11 കോടി രൂപയുടെ മദ്യമാണ് ഇത്തവണ ബിവറേജസ് കോര്‍പ്പറേഷന്‍ വഴി കേരളം വിറ്റഴിച്ചത്. ക്രിസ്തുമസ് തലേന്ന് കഴിഞ്ഞ വര്‍ഷത്തേക്കാള്‍ ഏഴു കോടി രൂപയുടെ മദ്യവും ക്രിസ്തുമസ് ദിവസം 11.34 കോടി രൂപയുടെ മദ്യവും കേരളം അധികമായി വിറ്റു.
കേരളത്തിലെ ബാറുകള്‍ തുറക്കാനുള്ള സര്‍ക്കാര്‍ തീരുമാനം നടപ്പിലാക്കിയതിന് ശേഷമുള്ള ആദ്യ ക്രിസ്തുമസായിരുന്നു ഇത്. ബാറുകളില്‍ വിറ്റ കണക്കുകള്‍ കൂട്ടാതെ ബിവറേജസ് കോര്‍പ്പറേഷനില്‍നിന്ന് മാത്രമുള്ള കണക്കുകളാണിത്. കഴിഞ്ഞ വര്‍ഷം 76.13 കോടി രൂപയായിരുന്ന മദ്യ വില്‍പ്പനയാണ് ഇത്തവണ 87 കോടി രൂപയായി വര്‍ദ്ധിച്ചിരിക്കുന്നത്.