ന്യൂഡല്‍ഹി: രാജ്യത്ത് പാചകവാതക വില വര്‍ധിച്ചു. സബ്‌സിഡിയില്ലാത്ത ഗാര്‍ഹിക ആവശ്യത്തിനുള്ള പാചകവാതകത്തിന് 93 രൂപയും, സബ്‌സിഡിയുള്ള പാചക വാതകത്തിന് 4.56 രൂപയുമാണ് വര്‍ധിച്ചത്. വാണിജ്യാവശ്യത്തിനുള്ള പാചക വാതകത്തിന് 143 രൂപ വര്‍ധിച്ച് 1268 രൂപയുമായി. പുതുക്കിയ വില ബുധനാഴ്ച അര്‍ധരാത്രി മുതല്‍ നിലവില്‍ വരും.
പാചക വാതകത്തിൻ്റെ സബ്‌സിഡി വരുന്ന മാര്‍ച്ച് മാസത്തോടെ എടുത്ത് കളയുന്നതിൻ്റെ ഭാഗമായി എല്ലാ മാസവും പാചക വാതക വില വര്‍ധിക്കുമെന്ന് കേന്ദ്ര പെട്രോളിയം മന്ത്രി ധര്‍മേന്ദ്രപ്രധാന്‍ ലോക്‌സഭയെ അറിയിച്ചിരുന്നു. ഇതിൻ്റെ ഭാഗമായാണ് വില വര്‍ധനവ്.