പ്രതിപക്ഷം ഇടഞ്ഞു;സോളാർ പദ്ധതി ഉദ്ഘാടനം നടന്നില്ല
കൊച്ചി: മെട്രോ സ്റ്റേഷനുകളിൽ സോളാർ സംവിധാനമൊരുക്കി വൈദ്യുതി ഉത്പാദിപ്പിക്കുന്ന പദ്ധതി ഇന്ന് ആലുവയിൽമുഖ്യമന്ത്രി ഉദ്ഘാടനം ചെയ്യുമെന്ന് അറിയിച്ചിരുന്നെങ്കിലും പ്രതിപക്ഷത്തിൻ്റെ എതിർപ്പുമൂലം റദ്ദാക്കി. പ്രധാനമന്ത്രി മെട്രോ ഉദ്ഘാടനം ചെയ്യാൻ എത്തുന്ന ദിവസമായിരിക്കും സോളാർ പദ്ധതിയുടെയും ഉദ്ഘാടനം.
ആലുവ എം‌എല്‍‌എ അന്‍‌വര്‍ സാദത്തിനെ പരിപാടിയില്‍ ക്ഷണിക്കാത്തതിനെ തുടര്‍ന്നുള്ള പ്രതിഷേധമാണ് പരിപാടി മാറ്റി വയ്ക്കാന്‍ കാരണമായത്. ഉദ്ഘാടനത്തിന് മുഖ്യമന്ത്രി എത്തിയയുടന്‍ തന്നെ പ്രതിഷേധവുമായി യുഡി‌എഫ് പ്രവര്‍ത്തകര്‍ എത്തുകയായിരുന്നു. പ്രതിഷേധക്കാരെ പോലീസ് നീക്കം ചെയ്യാന്‍ ശ്രമിച്ചത് സംഘര്‍ഷത്തിന് കാരണമായി. തുടര്‍ന്ന് യുഡി‌എഫ് പ്രവര്‍ത്തകര്‍ റോഡ് ഉപരോധിച്ചു. ഉദ്ഘാടനം മാറ്റി വച്ചതിനെ സ്വാഗതം ചെയ്യുന്നതായി അന്‍‌വര്‍ സാദത്ത് പറഞ്ഞു.
ഉദ്ഘാടനം മുടങ്ങിയതോടെ മെട്രോയില്‍ യാത്ര നടത്തി മുഖ്യമന്ത്രി പിണറായി വിജയൻ മടങ്ങി. പാലാരിവട്ടം മുതൽ ആലുവ വരെയായിരുന്നു യാത്ര.
There are no comments at the moment, do you want to add one?
Write a comment