കല്ലമ്പലം: പോലീസ് ഡ്രൈവറെ ജീവനൊടുക്കിയ നിലയില്‍ കണ്ടെത്തി. തിരുവനന്തപുരം കല്ലമ്പലം പോലീസ് സ്റ്റേഷനിലെ ഡ്രൈവര്‍ മനോജ് (42) ആണ് സ്റ്റേഷനിൽ തൂങ്ങി മരിച്ചത്. വര്‍ക്കല പാളയംകുന്ന് സ്വദേശിയാണ് മനോജ്. ആത്മഹത്യയെന്നാണ് പ്രാഥമിക നിഗമനം.
വ്യാഴാഴ്ച ഡേ ആന്‍ഡ് നൈറ്റ് ഡ്യൂട്ടിയെടുത്ത മനോജ് ഇന്ന് പുലര്‍ച്ചെയാണ് മരിച്ചത്. സ്റ്റേഷനിലെ രണ്ടാമത്തെ നിലയിലേക്ക് പോയ മനോജിനെ പിന്നീട് തൂങ്ങി മരിച്ച നിലയില്‍ കണ്ടെത്തുകയായിരുന്നു. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മരണകാരണം എന്താണെന്ന് വ്യക്തമല്ല.
