കൊച്ചി: ലൈഫ് മിഷന്റെ മുഴുവന് കരാറുകളും സംശയകരമാണെന്ന് എന്ഫോഴ്സ്മെന്റ് ഡയറക്ടറേറ്റ്. 36 പ്രൊജക്ടുകളില് 26 പദ്ധതികളും രണ്ട് പേര്ക്ക് മാത്രമാണ് നല്കിയത്. ടെന്ഡര് നല്കുന്നതിന് മുൻപ് തന്നെ ഈ രഹസ്യ വിവരങ്ങള് സ്വപ്നയ്ക്ക് ശിവശങ്കര് കൈമാറിയെന്നും ഇഡി കോടതിയില് സമര്പ്പിച്ച കസ്റ്റഡി അപേക്ഷയില് സൂചിപ്പിക്കുന്നു.
ഈ രഹസ്യവിവരങ്ങള് ഉപയോഗിച്ചാണ് സ്വപ്ന കോടികള് കൈപ്പറ്റിയതെന്നും ഇഡി ചൂണ്ടിക്കാട്ടി. ലൈഫ് മിഷന് പദ്ധതിയില് വലിയ രീതിയിലുള്ള തട്ടിപ്പ് നടന്നിട്ടുണ്ടെന്ന സംശയമാണ് ഇഡി കോടതിയില് സമര്പ്പിച്ച റിപ്പോര്ട്ടില് പറയുന്നത്. എം.ശിവശങ്കറിന്റെ ജാമ്യാപേക്ഷയെ എതിര്ത്തു കൊണ്ട് ഇഡി കൊച്ചിയില് പ്രിന്സിപ്പല് സെക്ഷന്സ് കോടതിയില് സമര്പ്പിച്ച റിപ്പോര്ട്ടിലാണ് ഈ ആരോപണം പരാമര്ശിക്കുന്നത്.