ബാംഗ്ലൂർ : കര്‍ണാടക ഉപമുഖ്യമന്ത്രിയും ബിജെപി നേതാവുമായി ഗോവിന്ദ് കര്‍ജോളിന്റെ 8 കുടുംബാംഗങ്ങള്‍ക്ക് കോവിഡ് പോസിറ്റീവ് സ്ഥിരീകരിച്ചു. മകന്‍ ഗുരുതരാവസ്ഥില്‍ വെന്റിലേറ്ററില്‍ ആണ്. കോവിഡ് ബാധിതരായ കര്‍ജോളും ഭാര്യയും ദിവസങ്ങള്‍ക്കു മുന്‍പാണ് രോഗമുക്തി നേടിയത്. ഇതിനു ശേഷം കുടുംബാംഗങ്ങള്‍ക്കും രോഗം പിടിപെടുകയായിരുന്നു. മകന്‍ ഡോ.ഗോപാല്‍ കര്‍ജോള്‍ ആണ് ഗുരുതരാവസ്ഥയിലുള്ളത്. ബാഗല്‍കോട്ടിലെ മുധോള്‍ മണ്ഡലത്തെ പ്രതിനിധാനം ചെയ്യുന്ന കര്‍ജോള്‍, ബാഗല്‍കോട്ടിലെയും കലബുരഗിയിലെയും ജില്ലാ ചുമതലയുള്ള മന്ത്രി കൂടിയാണ്. കര്‍ണാടക മുഖ്യമന്ത്രി ബി.എസ്. യെദ്യൂരപ്പ, മറ്റൊരു ഉപമുഖ്യമന്ത്രി ഡോ. സിദ്ധരാമയ്യ, സംസ്ഥാന കോണ്‍ഗ്രസ് അധ്യക്ഷന്‍ ഡി കെ ശിവകുമാര്‍ എന്നിവര്‍ക്കും കോവിഡ് ബാധിച്ചിരുന്നു.
