പാലാരിവട്ടം പാലത്തിലെ അഴിമതി കേസില്‍ വിജിലന്‍സ് കസ്റ്റഡിയിലേക്ക് ഇബ്രാഹിം കുഞ്ഞിനെ വിടില്ലെന്ന് മൂവാറ്റുപുഴ വിജിലന്‍സ് കോടതി അറിയിച്ചു. കസ്റ്റഡിയില്‍വിട്ടാല്‍ അര്‍ബുദബാധിതനായ ഇബ്രാഹിംകുഞ്ഞിന് അണുബാധയുണ്ടാകാനുള്ള സാധ്യതയുണ്ടെന്നാണ് കോടതിയുടെ നീരിക്ഷണം.
മെഡിക്കല്‍ റിപ്പോര്‍ട്ടനുസരിച്ച്‌ ഇബ്രാഹിം കുഞ്ഞിന് ഗുരുതര രോഗമാണെന്ന് വ്യക്തമാക്കിയിരിക്കുന്നത്. 33 തവണ ലേക്‌ഷോര്‍ ആശുപത്രിയില്‍ ചികിത്സ തേടിയിട്ടുണ്ടെന്നും മെഡിക്കല്‍ റിപ്പോര്‍ട്ടില്‍ വ്യക്തമാക്കുന്നുണ്ട് . മെഡിക്കല്‍ ബോര്‍ഡിന്റെ അഭിപ്രായം പരിഗണിച്ച ശേഷമാകും ആശുപത്രിയിലേക്ക് മാറ്റുന്ന കാര്യത്തില്‍ തീരുമാനമെടുക്കുകയെന്നും സര്‍ക്കാര്‍ ആശുപത്രിയില്‍ നിലവിലെ ചികിത്സകള്‍ നല്‍കാന്‍ കഴിയുമോയെന്ന് ഡിഎംഒ അറിയിക്കണമെന്നും കോടതി പറഞ്ഞു.
മള്‍ട്ടിപ്പില്‍ മൈലോമ എന്ന ഗുരുതര രോഗമാണ് ഇബ്രാഹിം കുഞ്ഞിന്.
എല്ലിനും മജ്ജയ്ക്കും ഉണ്ടാകുന്ന രോഗമാണിത്.നാളെയാണ് ഇബ്രാഹിംകുഞ്ഞിന്റെ ജാമ്യാപേക്ഷ കോടതി പരിഗണിക്കുക.