ശ്രീനഗര്: ജമ്മു കാശ്മീരില് ശക്തമായ മഞ്ഞുവീഴ്ചയും മഴയും തുടരുന്നു. കഴിഞ്ഞ 36 മണിക്കൂറിനുള്ളില് ഉയര്ന്ന പ്രദേശങ്ങളില് ഭൂരിഭാഗവും അതിതീവ്ര മഞ്ഞുവീഴ്ചയും സമതല പ്രദേശങ്ങളില് നേരിയ മഞ്ഞുവീഴ്ചയും മഴയും ആണ് അനുഭവപ്പെട്ടിരിക്കുന്നത്.
വടക്കന് കാശ്മീരിലെ പ്രശസ്തമായ സ്കീ റിസോര്ട്ടില് തിങ്കളാഴ്ച രാത്രി കനത്ത മഞ്ഞുവീഴ്ചയുണ്ടായി. സോനമാര്ഗ്-സോജില ഉള്പ്പെടെയുള്ള ഉയര്ന്ന പ്രദേശങ്ങളിലെ മഞ്ഞുവീഴ്ച മൂലം ശ്രീനഗര്-ലേ റോഡ് അടക്കുകയുണ്ടായി. ബുധനാഴ്ച വരെ മഞ്ഞുവീഴ്ചയും മഴയും തുടരുമെന്ന് അധികൃതര് അറിയിച്ചു.